فرمان الہی
نماز کے اوقات
کراچی(اسٹاف رپورٹر)شہر کے مختلف علاقوں میں فائرنگ اور پرتشدد واقعات میں2افراد زخمی ہوگئے، تفصیلات کے مطابق زمان ٹاؤن تھانہ کی حدود کورنگی نمبر 04سیکٹر 50A شایان کریمی مسجد کے قریب فائرنگ سے نوجوان زخمی ہوگیا جسے جناح اسپتال منتقل کیا گیا جہاں مضروب کی شناخت 25 سالہ معیز کے نام سے ہوئی ۔ ایس ایچ او راؤ اورنگزیب نے بتایاکہ واقعہ ڈکیتی مزاحمت کے دوران پیش آیا ۔ ملزمان نے اسلحے کے زور پر موبائل فون چھیننے کی کوش کی تو معیز نے مزاحمت کی جس پر ملزمان نے گولی مار دی ۔معیز کو ایک گولی پیٹ پر لگی تاہم اس کی حالت خطرے سے باہر بتائی جاتی ہے ۔ملزمان معیز سے بغیر کچھ چھینے موقع سے فرار ہوگئے ، علاقہ مکینوں نے بتایا کہ معیز الیکٹریشن ہے جو بجلی نہ ہونے کی وجہ سے گھر کے باہر بیٹھا ہوا تھا کہ موٹر سائیکل پر سوار دو ملزمان آئے اور لوٹ مار کے دوران فائرنگ کردی ۔
