فرمان الہی
نماز کے اوقات
سربراہ حزب اللّٰہ نعیم قاسم نے کہا ہے کہ اسرائیل خود جنگ بندی منصوبے کی خلاف ورزی کررہا ہے، امریکا اور اسرائیل حزب اللّٰہ کو غیرمسلح کرنے کا منصوبہ بنائے بیٹھے ہیں۔
عرب میڈیا کے مطابق مزاحمتی تحریک حزب اللّٰہ کے سربراہ نعیم قاسم نے کہا ہے کہ اسرائیل نومبر 2024 سے لے کر آج تک جنگ بندی معاہدے کی خلاف ورزیاں کرتا آرہا ہے جس کی وجہ سے لبنان کی حکومت پر بھی لازم نہیں کہ وہ امن معاہدے پر عمل درآمد کرے۔
انہوں نے کہا کہ جنوبی لبنان میں لبنانی فوج کی تعیناتی کے لیے ایک ہی شرط کو پورا کرنا لازم ہے کہ اسرائیلی جنگ بندی پر عمل درآمد کرے۔
نعیم قاسم نے مزید کہا کہ دریائے لیتانی کے جنوب میں لبنانی فوج کے تعینات کیے جانے کے لیے ضروری تھا اسرائیل جارحیت روکے تاکہ قیدیوں کی رہائی، علاقے سے انخلاء اور تعمیر نو کا کام شروع کیا جاسکے۔
