• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ممکنہ برفباری کے پیش نظر NHA نے تیاریاں مکمل کرلی، جنرل منیجر

میرا شہر
کوئٹہ
30 دسمبر ، 2025
کوئٹہ ( اسٹاف رپورٹر) جنرل منیجر نیشنل ہائی ویز اتھارٹی بلوچستان آغا عنایت نے کہا ہے کہ قومی شاہراہوں پر ممکنہ برفباری کے پیش نظر این ایچ اے بلوچستان نے اپنی تمام تیاریاں مکمل کرلی ہیں یہ بات انہوں نے این ایچ اے کوئٹہ کے دفتر میں صحافیوں سے بات چیت کرتے ہوئے کیا انہوں نے کہا کہ محکمہ موسمیات نے صوبے کے بیشتر اضلاع میں بارش اور برفباری کے نئے اسپل کی پیشگوئی کردی ہے بلوچستان میں کوئٹہ ،چمن،کچلاک مسلم باغ،قلات کوئٹہ، مچ کوئٹہ اور لک پاس کانک سیکشنز میں برفباری ہوتی ہے، این ایچ اے کی ذمہ داری میں برفباری سے شاہراہوں کو کلیئر کرنا بھی شامل ہے، ان تمام سیکشنز پر این ایچ اے کے18 کیمپس قائم کئے ہیں ، جہاں برف ہٹانے والی مشینری اور تربیت یافتہ اسٹاف 24 گھنٹے موجود رہیگا، انہوں نے کہا کہ برفباری کی صورتحال میں مشینری حرکت میں آتی ہے اور شاہراہ پر نمک پاشی بھی کرتے ہیں،جی ایم کا کہنا تھا کہ عوام سے گزارش ہے کہ بارش اور برفباری کے موسم میں احتیاط کریں اوور اسپیڈنگ نہ کریں بلوچستان میں 20 جنوری سے برفباری کا ایک اور اسپل متوقع ہے اب تک اس اسپل کی شدت زیادہ بتائی جارہی ہے۔
کوئٹہ سے مزید