فرمان الہی
نماز کے اوقات
انڈونیشیا کے صوبہ شمالی سولاویسی میں شدید بارشوں کے بعد سیلابی ریلے میں بہہ کر 14 افراد ہلاک، 18 زخمی اور 4 لاپتا ہوگئے۔
مقامی حکام کے مطابق شدید بارشوں کے بعد سیلابی صورتحال برقرار ہے جبکہ لاپتہ افراد کی تلاش کا کام جاری ہے۔
گورنر شمالی سولاویسی کے مطابق سیلاب سے سیکڑوں مکانات اور سرکاری عمارتیں بھی تباہ ہوگئی ہیں۔
انہوں نے بتایا کہ اب تک 444 افراد کو محفوظ مقامات پر منتقل کردیا گیا ہے، سیلاب سے متاثرہ علاقوں میں امدادی کارروائیاں جاری ہیں۔
انڈونیشیا کے محکمہ موسمیات نے خبردار کیا ہے کہ جنوری اور فروری کے دوران ملک کے کئی جزائر خصوصاً جاوا، سولاویسی، مالوکو اور پاپوا میں مزید طوفانی بارشوں اور سیلابوں کا خطرہ موجود ہے۔
