فرمان الہی
نماز کے اوقات
انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپس کی آئیکونک پرفارمنس کا اعلان کر دیا، آئیکونک پرفارمرز میں قومی کرکٹ ٹیم کے سابق کپتان شاہد آفریدی بھی شامل ہیں۔
آئی سی سی نے 2009ء کے ورلڈ کپ میں آل راؤنڈر پرفارمنس پر شاہد آفریدی کا نام شامل کیا ہے۔
شاہد آفریدی نے ایونٹ کے سیمی فائنل میں 51 رنز کے ساتھ 2 اہم وکٹیں لے کر پاکستان کو فائنل میں پہنچایا تھا، جبکہ فائنل میچ میں بھی انہوں نے 40 گیندوں پر 54 رنز کی اننگز کھیلی تھی۔
2007ء میں ٹی ٹوئنٹی ورلڈکپ کے پہلے ایڈیشن میں یووراج سنگھ کے 6 چھکوں کو آئیکونک پرفارمنس قرار دیا گیا جبکہ 2010ء میں آسٹریلیا کے مائیک ہسی کی پاکستان کے خلاف 24 گیندوں پر 60 رنز کی اننگز آئیکونک پرفارمنس میں شامل ہے۔
آئی سی سی نے 2012ء میں ویسٹ انڈیز کے سنیل رائن کی 9 رنز کے عوض 3 وکٹوں کو بھی آئیکونک پرفارمنس قرار دیا ہے۔
2014ء کے ورلڈ کپ کے سیمی فائنل میں سری لنکا کے رنگانا ہیراتھ کی 5 وکٹیں، 2016ء میں کارلوس بریتھویٹ کے 4 مسلسل چھکوں کو آئیکونک پرفارمنس میں شامل کیا گیا ہے۔
2021ء کے ورلڈ کپ کے فائنل میں مچل مارش کی 77 رنز کی اننگز، 2022ء میں انگلینڈ کے بین اسٹوکس کی پاکستان کے خلاف 52 رنز کی اننگز بھی آئیکونک پرفارمنس قرار دی گئی ہے۔
2024ء کے ورلڈ کپ میں ویرات کوہلی کی 76 رنز کی شاندار اننگز کو بھی آئیکونک پرفارمنس قرار دیا گیا ہے۔
