فرمان الہی
نماز کے اوقات
حکومت پنجاب نے لاہور میں 3 روزہ بسنت کی تقریبات کا آغاز ہونے سے پہلے اس تہوار کے لیے خصوصی گانا ریلیز کیا ہے۔
پنجاب کے محکمہ اطلاعات و ثقافت کی جانب سے گلوکار بلال سعید کی آواز میں بسنت کے تہوار کی مناسبت سے نیا گانا ’پھر آئی بسنت‘ریلیز کیا گیا ہے۔
اس گانے کی میوزک ویڈیو میں ماڈل اور اداکار نبیل زبیری کے ساتھ فوڈ بلاگر علی رحمٰن بھی نظر آ رہے ہیں اور اس کی شوٹنگ لاہور کے تاریخی مقامات پر کی گئی ہے۔
واضح رہے کہ بسنت کا 3 روزہ تہوار 6 فروری کو لاہور میں شروع ہونے والا ہے اور اس موقع پر لاہور ایئرپورٹ کے قریب بعض علاقوں میں حفاظتی خدشات کے پیش نظر جشن منانے پر پابندی عائد کی گئی ہے۔
دریں اثناء وزیراعلیٰ پنجاب مریم نواز نے 7 فروری کو لبرٹی چوک میں بسنت منانے کا اعلان کیا۔
علاوہ ازیں پنجاب انتظامیہ کی جانب سے جاری کردہ نوٹیفکیشن کے مطابق 6 اور 7 فروری کو صوبے بھر میں عام تعطیل کا اعلان بھی کیا گیا ہے۔
لاہور میں بسنت کی تیاریاں عروج پر ہیں اور پورا شہر رنگوں اور روشنیوں سے سج گیا ہے۔
یاد رہے کہ پنجاب کابینہ نے ناصرف لاہور بلکہ چار دیگر اضلاع میں پتنگ بازی کے سامان کی تیاری کی اجازت دی تھی۔
صوبائی حکومت کا کہنا ہے کہ تہوار کے موقع پر شہریوں کی حفاظت کو یقینی بنانے کے لیے فول پروف سیکیورٹی انتظامات کیے جا رہے ہیں۔
