فرمان الہی
نماز کے اوقات
کراچی میں پرائیویٹ اسکولز اتحاد نے 7 اپریل سے شروع ہونے والے میٹرک امتحانات ملتوی کرنے کا مطالبہ کر دیا۔
پرائیویٹ اسکولز اتحاد نے میٹرک امتحانات ملتوی کرنے کا مطالبہ کرتے ہوئے کہا کہ تاحال امتحانی مراکز فائنل نہیں ہوسکے اور نہ ہی ایڈمٹ کارڈز کا اجرا ممکن ہوسکا۔
تنظیم کی جانب سے مزید کہا گیا ہے کہ ابھی امتحانی سامان کی ترسیل بھی نہیں ہوئی اور نہ ہی امتحانی مراکز کا علم ہے جبکہ دیگر انتظامات بھی نامکمل ہیں۔
دوسری جانب ترجمان میڑک بورڈ کا کہنا ہے کہ میٹرک امحانات کے تمام انتظامات مکمل ہیں، ایڈمٹ کارڈ بورڈ آفس کی ویب سائٹ پر اپ لوڈ کیے جا چکے ہیں۔
ترجمان میڑک بورڈ نے مزید کہا ہے کہ پرائیویٹ امیدواروں کے ایڈمٹ کارڈز اُن کے رہائشی پتوں پر ارسال کیے جا چکے ہیں۔
بورڈ حکام کا یہ بھی کہنا ہے کہ اتوار کی ہفتہ وار تعطیل کے دن بھی بورڈ آفس کھلا رہےگا اور ایسے امیدوار جو ایڈمٹ کارڈ حاصل نہ کرسکے وہ بورڈ آفس کے کمرہ نمبر 5 سے رجوع کرسکتے ہیں۔
