فرمان الہی
نماز کے اوقات
تحریک انصاف (پی ٹی آئی) کے مراد سعید کی خالی نشست پر کون بنے گا سینیٹر؟ 6 امیدواروں نے کاغذات نامزدگی جمع کرادیے۔
الیکشن کمیشن نے خیبر پختونخوا سے سینیٹ کی خالی جنرل نشست پر ضمنی الیکشن کےلیے امیدواروں کی فہرست جاری کردی۔
الیکشن کمیشن کے مطابق مجموعی طور پر 6 امید واروں نے کاغذات نامزدگی جمع کرائے، 10 اپریل تک کاغذات کی جانچ پڑتال مکمل کی جائے گی۔
الیکشن کمیشن کے مطابق کاغذات کی منظوری یا مسترد ہونے کے خلاف اپیلیں 13 اپریل تک ٹریبونل میں دائر کی جاسکیں گی اور فیصلہ 15 اپریل تک سنایا جائے گا۔
سینیٹ نشست کےلیے امیدواروں کی نظر ثانی شدہ فہرست 16 اپریل کو شائع کی جائے گی جبکہ کاغذات نامزدگی واپس لینے کی آخری تاریخ 17 اپریل ہوگی۔
الیکشن کمیشن کے مطابق سینیٹ کی خالی جنرل نشست پر پولنگ 23 اپریل کو ہوگی، یہ نشست سینیٹر مراد سعید کی نااہلی کی وجہ سے خالی ہوئی تھی۔
