فرمان الہی
نماز کے اوقات
برطانیہ کی 12 معروف جامعات کی جانب سے ایک نجی سیکیورٹی کمپنی کو طلبہ اور اساتذہ، خصوصاً فلسطین کے حامی افراد کی نگرانی کے لیے خدمات حاصل کرنے کا انکشاف ہوا ہے۔
الجزیرہ کے مطابق ایک تحقیقی رپورٹ میں بتایا گیا ہے کہ اس کمپنی نے سوشل میڈیا کی نگرانی کی، طلبہ کی سرگرمیوں پر نظر رکھی اور بعض مہمان مقررین کے بارے میں خفیہ سیکیورٹی جائزے بھی تیار کیے، اس مقصد کے لیے جامعات نے 2022ء سے اب تک تقریباً 440000 پاؤنڈ سے زائد رقم ادا کی۔
نگرانی میں شامل افراد میں ایک فلسطینی پروفیسر اور ایک پی ایچ ڈی طالبہ بھی شامل ہیں جن کی سوشل میڈیا سرگرمیوں کو رپورٹس میں درج کیا گیا۔
اس انکشاف پر چند جامعات کا کہنا ہے کہ یہ اقدامات صرف سیکیورٹی خدشات اور کیمپس کے تحفظ کے لیے کیے گئے جبکہ ناقدین نے اسے طلبہ کے آزادیٔ اظہارِ رائے پر حملہ قرار دیا ہے۔
اقوامِ متحدہ کے ایک عہدیدار نے خبردار کیا ہے کہ اس طرح ڈیٹا جمع کرنا قانونی اور اخلاقی لحاظ سے سنگین خدشات پیدا کرتا ہے اور اس سے طلبہ میں خوف اور ذہنی دباؤ بڑھ رہا ہے۔
عرب میڈیا کی رپورٹ کے مطابق متاثرہ طلبہ کا کہنا ہے کہ انہیں علم ہی نہیں تھا کہ ان کی سرگرمیوں پر اس حد تک نظر رکھی جا رہی ہے۔
