آج پہاڑوں کا عالمی دن منایا جارہا ہے

اقوام متحدہ کے زیراہتمام پہاڑوں کا عالمی دن آج منایا جارہا ہے۔ اس دن کا مقصد پہاڑی سلسلوں کو ماحولیاتی خطرات سے بچانا اور پہاڑوں کا قدرتی حسن برقرار رکھنے کے لئے اقدامات کا شعور اجاگر کرنا ہے۔

پہاڑوں کا عالمی دن منانے کا آغازاس وقت ہوا جب اقوام متحدہ کی جنرل اسمبلی نے ایک قرار داد کے ذریعے 2002 کو پہاڑوں کا سال قرار دیا تھا۔

اس قرارداد میں دنیا بھرمیں پہاڑیوں کی حالت بہتر بنانے اور ان کے قدرتی ماحول کو برقرار رکھنے کے لئے خصوصی اقدامات کی ضرورت پر زور دیا گیا تھا۔

اقوام متحدہ کے مطابق سیاحت، آلودگی، جنگلات کی کٹائی اور موسمی تبدیلیوں کی وجہ سے پہاڑوں کا قدرتی حسن تباہ ہورہا ہے۔