آپ آف لائن ہیں
جنگ ای پیپر
پیر24؍جمادی الاوّل 1441ھ 20؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

یورپ آنے والوں کیلئے چیکنگ کے نئے نظام کا آغاز

New Checking System Starts For Visit Of Europe
یورپ میں آج (7 اپریل)سے چیکنگ کا نیا نظام شروع کر دیا گیا ہے، جس کے تحت یورپ آنے اور جانے والے تمام افراد کو ڈیٹا بیس کے تحت داخل ہونے کی اجازت دی جائے گی۔

تفصیلات کے مطابق یورپین یونین میں دہشت گردی کی روک تھام کیلئے مختلف تجاویز زیر غور رہی ہیں، اس حوالے سے بتایا گیا ہے کہ دہشت گردی کا اصل خطرہ وہ شدت پسند ہیں جو اس وقت شام اور عراق میں لڑ رہے ہیں۔

ایک اندازے کے مطابق ان یورپین جنگجوؤں کی تعداد ڈھائی ہزار سے زائد ہے جو یورپ میں داخل ہونے کے لیے جعلی شناخت کا سہارا لیتے ہیں۔

ایسے افراد کی روک تھام کیلئے فیصلہ کیا گیا ہے کہ آج سے ہوائی اڈے، سمندر اور زمینی راستوں سے یورپ میں داخل ہونے والے تمام افراد چاہے وہ یورپین ہوں یا غیر یورپین انہیں شناخت کے شینگن انفارمیشن سسٹم اور انٹر پول کے نظام سے گزرنا ہوگا۔

خدشہ ظاہر کیا جارہا ہے کہ اس نظام کے عائد ہونے کے بعد طویل قطاریں لگیںگی جس سے یورپ میں آنے والوں کو معمول سے بہت زیادہ انتظار کا سامنا کرنا پڑے گا۔
بین الاقوامی خبریں سے مزید