فرمان الہی
نماز کے اوقات
کراچی کے پاکستان کوارٹرز کے رہائشیوں کا ممکنہ بے دخلی کے خلاف احتجاج رنگ لے آیا، چیف جسٹس پاکستان میاں ثاقب نثار نے پاکستان کوارٹرز میں بے دخلی کا آپریشن 3 ماہ تک مؤخرکرنےکی ہدایت کر دی۔
یہ بات گورنرسندھ عمران اسماعیل نے میڈیا سے گفتگو کے دوران بتائی ہے جنہوں نے چیف جسٹس آف پاکستان میاں ثاقب نثار سے اس ضمن میں رابطہ کیا ہے، میری بات سنتے ہی چیف جسٹس نے کہا کہ مجھے انسانی جانوں کی فکر ہے۔
انہوں نے بتایا کہ چیف جسٹس نے ان کے رابطہ کرنے اور اس حوالے سے درخواست کرنے پر پاکستان کوارٹرز سے بے دخلی کاآپریشن 3 ماہ تک مؤخر کرنے کی ہدایت کی ہے۔
گورنر سندھ نے کہا کہ ہم باربار پاکستان کوارٹرز کے مکینوں کی مشکلات کا اظہار کر رہے تھے، پاکستان کوارٹرز کے معاملے کا وفاق سے کوئی تعلق نہیں ہے۔
عمران اسماعیل کا مزید کہنا ہےغ کہ نیا پاکستان ہاؤسنگ اسکیم میں متاثرین کو ایڈجسٹ کرنے کی کوشش کریں گے، کوشش کریں گے کہ تین ماہ کے دوران خوش اسلوبی سے اس مسئلے کا حل نکل جائے۔
گورنر سندھ عمران اسماعیل نے یہ بھی کہا کہ کوشش ہو گی کہ قانون کی بالا دستی بھی قائم رہے اور پاکستان کوارٹرز کے مکینوں کو بھی کوئی پریشانی نہ ہو۔
