فرمان الہی
نماز کے اوقات
صنعا(جنگ نیوز )جنگ زدہ یمن میں گزشتہ 3 برس میں تقریباً 85 ہزار بچے محض بھوک کے ہاتھوں لقمہ اجل بن گئے ہیں۔غیر ملکی میڈیا نے اقوام متحدہ کے اعداد و شمار کا حوالہ دیتے ہوئے کہا کہ انتہائی غذائی کمی کے باعث 5 سال تک کی عمر کے بچوں میں اموات کی شرح سب سےزیادہ رہی۔واضح رہے کہ سعودی اتحاد مارچ 2015 سے ایران کی حمایت یافتہ حوثیوں سے حالت جنگ میں ہے۔اس حوالے سے بتایا گیا کہ اپریل 2015 سے اکتوبر 2018 کے درمیانی عرصے میں غذائی خوراک کی عدم دستیابی کے سبب تقریباً 84 ہزار 701 بچے بھوک کی وجہ سے دم توڑ گئے۔یمن میں سیودی چلڈرن کے ڈائریکٹرتیمور کیرولوس نے بتایا کہ ’ہم بہت خوفزدہ ہیں کہ جنگ کے آغاز کے بعد سے اب تک خوراک کی انتہائی کمی کے باعث 85 ہزار بچے جاں بحق ہو گئے۔
