ریلوے انجنوں سے تار چرانے والا گرفتار

لاہور میں ریلوے پولیس نے ریل گاڑیوں کے انجنوں سے تار چوری کرنے والے ملزم کو گرفتار کر لیا۔

ریلوے پولیس حکام کے مطابق ٹرینوں کے انجنوں سے تابنے کے تار چوری ہونے کی اطلاع پر کارروائی کی گئی۔

ملزم کو گرفتار کر کے اس کےقبضے سے 145 فٹ لمبا تانبے کا تار برآمد کر لیا گیا ہے۔

ریلوے پولیس نے ریلوے انجنوں سے تار چوری کرنے کا مقدمہ درج کر کے ملزم سے تفتیش شروع کر دی ہے۔