فرانس: سترہویں صدی کے محل میں چوری کی واردات

فرانس میں ڈاکو 17 ویں صدی کے ایک محل سے  20  لاکھ یورو مالیت کی جیولری اور نقد رقم  لوٹ کر فرار ہوگئے۔

پیرس کے جنوب مشرق میں تقریباً 50 کلومیٹر دور باغات کے درمیان 1875ء سے قائم محل کے مالکان نے بتایا کہ چھ ڈاکوؤں نے جمعرات کو ان کے انتہائی خوبصورت گھر میں توڑ پھوڑ کی۔

پولیس ذرائع نے بتایا کہ ڈاکوؤں نے محل کے ایک محفوظ مقام کو نشانہ بنایا اور مالک جوڑے کو باندھ کر زمرد اور دیگر سامان چوری کرلیا، تاہم واردات کے دوران جوڑے کو کوئی نقصان نہیں پہنچا۔

ایک پراسیکیوٹر کا کہنا ہے کہ واردات میں چھ چور ملوث ہیں اور بظاہر وہ مسلح نہیں تھے۔

پیٹریس اور کرسٹینا ڈی ووگ نے ​​1968 میں اسے عوام کے لئے کھولا تھا اور اب یہ جوڑا اور اس کے تین بیٹے اسے چلاتے ہیں۔

یہ فرانس کا سب سے بڑا نجی ملکیتی ورثہ ہے، جو 500 ہیکٹر (1،200 ایکڑ) پر محیط ہے، اور ہر سال تقریباً 250،000 سیاح یہاں آتے ہیں۔