فرمان الہی
نماز کے اوقات
پنجاب پولیس نے سرگودھا میں7 ٹیکسی ڈرائیورز کے قتل میں ملوث 2 سیریل کلرز کو گرفتار کر لیا۔
ڈی پی او سرگودھا حسن مشتاق سکھیرا نے پریس کانفرنس میں بتایا ہے کہ گرفتار ہونے والے ملزمان ٹیکسی بک کراتے تھے اور ڈرائیور کو نشہ آور شے دے کر اغواء کر لیتے تھے۔
انہوں نے بتایا کہ ٹیکسی ڈرائیور کو قتل کرنے کے بعد اس کی لاش دریا میں بہا دی جاتی تھی جبکہ اس کی گاڑی خیبر پختون خوا میں فروخت کی جاتی تھی۔
ڈی پی او سرگودھا کا کہنا ہے کہ ابتدائی تحقیقات کے مطابق ملزمان نے سرگودھا، جھنگ، جہلم اور سرائے عالمگیر میں یہ مذموم کارروائیاں کیں۔
انہوں نے مزید بتایا کہ ملزمان زبیر اور سفیر کو گرفتار کر لیا ہے جبکہ ان کے دیگر ساتھی کوہاٹ میں ہیں جن کی گرفتاری کی کوششیں جاری ہیں۔
یہ بھی پڑھیئے: بچیوں سے زیادتی کرنیوالا سیریل کلر ہے، ڈی جی فرانزک
ڈی پی او سرگودھا حسن مشتاق سکھیرا کے مطابق ملزمان کے قبضے سے اسلحہ، 3 گاڑیاں اور 50 لاکھ روپے کی نقد رقم بھی برآمد ہوئی ہے۔
