فرمان الہی
نماز کے اوقات
سندھ کے شہر شکار پور کے علاقے خان پور کے قریب غیرت کے نام پر شوہر نے بیوی کو گلا دبا کر قتل کر دیا جبکہ 24 گھنٹےکے دوران غیرت کے نام پر 3 خواتین سمیت 4 افراد کو موت کے گھاٹ اتار دیا گیا۔
پولیس کے مطابق شکار پور کے گوٹھ ڈرگ پور میں ملزم وحید جتوئی نے اپنی بیوی شمع کو گلا دبا کر قتل کر دیا اور فرار ہو گیا۔
واقعے کی اطلاع ملنے کے بعد لاش کو پوسٹ مارٹم کے لیے اسپتال منتقل کر دیا گیا ہے۔
واضح رہے کہ گزشتہ 24 گھنٹوں کے دوران ضلع شکار پور میں 3 خواتین سمیت 4 افراد کو غیرت کے نام پر قتل کر دیا گیا ہے۔
یہ بھی پڑھیئے: کراچی، غیرت کے نام پر بھائی نے بہن کو قتل کر دیا
ان تمام واقعات میں ملوث کسی بھی ملزم کو مقامی پولیس اب تک گرفتار نہیں کر سکی ہے۔
پولیس کا کہنا ہے کہ تمام ملزمان کو گرفتار کرنے کے لیے تفتیش کا دائرہ کار وسیع کر دیا گیا ہے اور انہیں جلد گرفتار کر لیا جائے گا۔
