آپ آف لائن ہیں
جنگ ای پیپر
ہفتہ9؍ربیع الثانی1441ھ 7؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ہماری آنکھوں میں نُور اُن سے

ہمارے دل میں سرور اُن سے

سحر ہو یا شام، روز یا شب

غیاب میں بھی حضور اُن سے

جو لوگ اُن کی پناہ میں ہوں

بَلائیں رہتی ہیں دور اُن سے

جمود کو دی اُنہوں نے جنبش

ہُوا نہاں کا ظہور اُن سے

خلوصِ نیّت سے جو بھی مانگا

ملا ہمیں وہ ضرور اُن سے

بہت ہیں زمزم کی چند بوندیں

رہیں گے ہم چُور چُور اُن سے

جنہوں نے اُن سے نفاق پالا

ہُوا گناہ و قصور اُن سے

نہ جانے کرتے ہوں عرض کیا کیا

چہک چہک کے طیور اُن سے

عقیدت و عشق اللہ اللہ

جُدا نہیں ہم شعورؔ اُن سے

ہماری آنکھوں میں نور اُن سے

ہمارے دل میں سرور اُن سے