برطانوی انتخابات میں 15 پاکستانی نژاد امیدوار کامیاب

برطانیہ کے انتخابات میں 15 پاکستانی نژاد برطانوی اپنی نشستوں پر کامیاب ہو گئے۔

برطانیہ میں انتخابات میں کامیاب ہونے والے 15 پاکستانی نژاد برطانویوں میں لیبر پارٹی کی امیدوار ناز شاہ بریڈ فورڈ سے، خالد محمود برمنگھم سے، یاسمین قریشی ساؤتھ بولٹن سے کامیاب ہوئی ہیں۔

برطانیہ، پولنگ مکمل، ووٹوں کی گنتی جاری، نتائج آنا شروع، لیبر اور کنزرویٹوز میں کانٹےکا مقابلہ، ہنگ پارلیمنٹ کا امکان

لندن (آصف ڈار، جنگ نیوز) برطانیہ میں جمعرات کے روز...

لیبر پارٹی کے پاکستانی نژاد امیدوار افضل خان مانچسٹر کے علاقے گورٹن سے، طاہر علی برمنگھم کے ہال گرین سے، محمد یاسین بریڈ فورڈ شائر سے کامیاب ہوئے ہیں۔

لیبر پارٹی کے امیدوار عمران حسین نے بریڈ فورڈ ایسٹ سے، زارا سلطانہ نے کوونٹری ساؤتھ سے، شبانہ محمود نے برمنگھم لیڈی ووڈ سے، ٹوٹنگ سے روزینہ علین خان نے کامیابی حاصل کی ہے۔

یہ بھی پڑھیئے: اسکاٹ لینڈ، پولنگ اسٹیشن سے ملی چیز دھماکے سے تباہ

کنزرویٹو پارٹی کی پاکستانی نژاد امیدوار نصرت غنی وئیلڈن سے، عمران احمدخان ویک فیلڈ سے، ساجد جاوید برومس گرو سے، عطاء الرحمٰن چشتی گلنگھم سے اور ثاقب بھٹی میریڈن سے کامیاب ہوئے ہیں۔