فرمان الہی
نماز کے اوقات
پنجاب کے وزیرِ اطلاعات فیاض الحسن چوہان نے تمام پاکستانیوں کو نئےسال کی مبارک باد دی ہے اور کہا ہے کہ اللّٰہ کے فضل سے پاکستان وزیرِ اعظم عمران خان کے مضبوط ہاتھوں میں ہے۔
اپنے ایک بیان میں وزیرِ اطلاعات پنجاب فیاض الحسن چوہان نے کہا کہ اداروں کی جانب سے صحافیوں کا استحصال روکنے کی پالیسی تیاری کے آخری مراحل میں ہے۔
انہوں نے کہا کہ حکومت کی اوّلین ترجیح عوام کی فلاح و بہبود ہے، بزدار حکومت نے پنجاب میں اب تک ریکارڈ قانون سازی کی ہے۔
فیاض چوہان نے مزید کہا کہ صوبے میں سرکاری اراضی سے متعلق 13 سے زائد پالیسیاں تیار کی جا چکی ہیں، بطور وزیرِ اطلاعات پہلی بار کلچر اور ایڈورٹائزمنٹ پالیسی قائم کی ہے۔
یہ بھی پڑھیئے: لوگ مشرف کی حمایت میں نکل رہے ہیں، فیاض چوہان
وزیرِ اطلاعات پنجاب نے یہ بھی کہا کہ مالی طور پر کمزور فنکاروں کے لیے ہیلتھ انشورنس کارڈز متعارف کرایا، میڈیا سے مل کر عوام میں شعور و آگہی پھیلائیں گے اور مسائل کے حل کی کوشش کریں گے۔
