فرمان الہی
نماز کے اوقات
پشاور میں سی این جی پمپ پر کھڑی ایک گاڑی میں گیس کا سلنڈر دھماکے سے پھٹ گیا جس کے نتیجے میں خاتون اور ایک بچی جاں بحق ہو گئیں۔
واقعہ پشاور کے علاقے خزانہ میں آج صبح سویرے پیش آیا ہے جہاں سی این جی اسٹیشن پر کار میں گیس بھروانے کے دوران سلنڈر دھماکے سے پھٹ گیا۔
پشاور پولیس کے مطابق دھماکے کے نتیجے میں کار میں سوار خاتون اور ایک بچی جاں بحق اور 3 افراد زخمی ہوئے ہیں۔
پولیس کا کہنا ہے کہ دھماکا اس قدر شدید تھا کہ اس کی آواز دور دور تک سنائی دی جبکہ دھماکے سے سی این جی اسٹیشن کی عمارت کو نقصان بھی پہنچا ہے اور قریب کھڑی گاڑیوں کے شیشے ٹوٹ گئے۔
یہ بھی پڑھیئے: لاہور، اقبال ٹاؤن میں سلنڈر دھماکا، 3 افراد جاں بحق
پولیس نے علاقے کو ٹریفک کی آمد و رفت کے لیے بند کر دیا ہے ، جبکہ گیس کمپنی کی جانب سے پمپ کو گیس کی سپلائی منقطع کر دی گئی ہے۔
