آپ آف لائن ہیں
پیر19؍ذی الحج 1441ھ 10؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعلیٰ پنجاب کی اورنج لائن منصوبہ جلد فعال بنانے کی ہدایت

وزیراعلیٰ پنجاب کی اورنج لائن منصوبہ جلد فعال بنانے کی ہدایت


وزیر اعلیٰ پنجاب سردار عثمان بزدار نے لاہور کا اورنج لائن منصوبہ جلد فعال بنانے کی ہدایت کردی۔

اورنج لائن میٹرو ٹرین منصوبے کے آپریشنل اینڈ مینٹی نینس کنٹریکٹ کے امور کا جائزہ لینے کےلیے وزیراعلیٰ پنجاب کی زیرصدارت اجلاس ہوا۔

وزیراعلیٰ نے کنٹریکٹ سے متعلقہ امور قواعد و ضوابط کے مطابق جلد طے کرنے کی ہدایت کی اور کہا کہ تمام ضروری امور بلا تاخیر نمٹائے جائیں۔

وزیراعلیٰ پنجاب کو اورنج لائن منصوبے پر بریفنگ کے دوران بتایا گیا کہ اس کی مدد سے تقریباً 2 لاکھ 45 ہزار مسافر روزانہ سفر کر سکیں گے۔

وزیراعلیٰ کو بتایا گیا کہ ٹرین کے ٹیسٹ رَن کامیابی سے چل رہے ہیں۔

ان کا کہنا تھا کہ کرایہ طے کرنے کی حتمی منظوری پنجاب کابینہ دے گی جبکہ کرایہ عام آدمی کی استطاعت کے مطابق ہوگا۔

اجلاس کے دوران جس میں آپریشنل اینڈ مینٹی نینس کنٹریکٹ محکمہ قانون کو بھجوانے کا فیصلہ کیاگیا۔

ڈیرہ گجراں سے علی ٹاؤن تک ٹرین کا 27 اعشاریہ ایک کلومیٹر کا فاصلہ 45 منٹ میں طے ہوگا۔

قومی خبریں سے مزید