• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گلوکار جوجی علی خان بلیک میلنگ کے الزام میں گرفتار

آج کا اخبار
دل لگی
13 فروری ، 2020
لاہور(مانیٹرنگ ڈیسک)ایف آئی اے سائبرکرائم لاہور نےگلوکار افتخارعلی عرف جوجی علی خان اور جعلی صحافی اصباح بیگ کو بلیک میلنگ اور سائبرکرائم ایکٹ میں گرفتار کر لیا۔جوجی علی خان جعلی صحافیوں، اصباح بیگ کے ساتھ مل کر بیرون ملک مقیم پاکستانی حسن ابرار کے خلاف جھوٹی اور من گھڑت خبریں بنا کر بلیک میل کرتےتھےاورخبریں روکنےکی مد میں 50کروڑ روپےکا مطالبہ کررہے تھے۔ذرائع کےمطابق اس گھناؤنے کھیل کی ماسٹر مائینڈ اصباح بیگ نے جوجی علی خان اورجعلی صحافی کےساتھ مل کر کروڑپتی بننےکی منصوبہ بندی کی اور حسن ابرار کو صحافی بن کر جھوٹی اور من گھڑت خبریں بنا کر واٹس ایپ کیں اور فون کالز پر خبریں روکنےاور وائرل نہ کرنےکی مد میں پچاس کروڑ کا مطالبہ کیا، بلیک میلنگ کا یہ سلسلہ تین ماہ سےجاری تھا، پچاس کروڑ کا مطالبہ دبئی فون کالز کرکےبھی کیا گیا۔ حسن ابرار نے فون کالز ریکارڈ کیں اور وٹس ایپ میسجیز کےہمراہ پاکستان آکر ایف آئی اے سائبرکرائم میں شکایت درج کروائی جس پر کارروائی کرتےہوئے جوجی علی خان اور جعلی صحافی اصباح بیگ کوگزشتہ شب گرفتار کر لیا گیا۔ دونوں کو آج ریمانڈ کے لئےعدالت میں پیش کیا جائے گا۔
تازہ ترین