انور منصور نےجسٹس فائز ریفرنس میں عدلیہ مخالف دلائل دیئے، علی ظفر

 ماہر قانون بیرسٹر علی ظفر کا کہنا ہے کہ انور منصور نے جسٹس فائز عیسیٰ ریفرنس کے خلاف کیس میں عدلیہ مخالف دلائل دیئےجس پر استعفیٰ دینا پڑا۔

بیرسٹر علی ظفر نے جیو نیوز کے مارننگ شو ’جیو پاکستان‘ میں گفتگو کے دوران انور منصور خان کے اٹارنی جنرل پاکستان کے عہدے سے استعفیٰ دینے سے متعلق بات کرتے ہوئے کہا کہ انور منصور کے استعفیٰ دینے کی وجہ سماعت کے دوران عدلیہ پر الزام لگانا ہے۔

اٹارنی جنرل انور منصور خان مستعفی

انور منصور خان نے اٹارنی جنرل پاکستان کے عہدے سے استعفیٰ دے دیا، انہوں نے اپنا تحریری استعفیٰ صدرِ مملکت ڈاکٹر عارف علوی کو منظوری کے لیے بھیج دیا۔

بیرسٹر علی ظفر نے مزید کہا کہ انور منصور کا استعفیٰ دینا کوئی نئی بات نہیں پہلے بھی ایسا ہوتا رہا ہے۔

’’اٹارنی جنرل سے حکومت نے استعفیٰ مانگا‘‘

وزیرِ اعظم عمران خان کے معاونِ خصوصی شہزاد اکبر اور وفاقی وزیرِ قانون فروغ نسیم نے انور منصور خان کے بیان کی تردید کرتے ہوئے کہا ہے کہ اٹارنی جنرل انور منصور خان سے حکومت کی جانب سے استعفیٰ مانگا گیا ہے۔

واضح رہے کہ گزشتہ روز انور منصور خان نے اٹارنی جنرل پاکستان کے عہدے سے استعفیٰ دیا تھا، انہوں نے اپنا تحریری استعفیٰ صدرِ مملکت ڈاکٹر عارف علوی کو منظوری کے لیے بھیجا تھا۔