ایران کی کورونا وائرس سے 50 ہلاکتوں کی تردید

ایرانی نائب وزیرصحت  نے کوروناسے50اموات کی غیرملکی خبرایجنسی کی رپورٹ مسترد کردی۔

ایرانی وزیر صحت ارج ہریرچی نے غیرملکی خبرایجنسی کے دعوے کو مسترد کرتے ہوئے کہا ہے کہ  ایران میں کورونا وائرس سے ہلاکتوں کی تعداد 12  ہے جبکہ ایران میں کورونا وائرس کے 47 کیسز رپورٹ ہو چکے ہیں۔

 خبر ایجنسی کے مطابق ایرانی قانون ساز احمد امیر آبادی نے ایران حکومت پر الزام لگایا ہے کہ ایرانی حکومت کورونا سے ہلاکتوں کو چھپا رہی ہے، ایرانی قانون ساز کے مطابق قم میں کورونا سے 50 ہلاکتیں ہوئی ہیں۔

ایرانی نائب وزیر صحت کا کہنا ہے کہ میں واضح طور پر اس اطلاع کو مسترد کرتا ہوں، یہ سیاسی مخالفت کا وقت نہیں، کورونا وائرس قومی مسئلہ ہے۔

واضح رہے کہ امریکی خبر رساں ایجنسی نے قم میں کورونا وائرس سے 50 اموات کا دعوی کیا تھا۔

ایران میں کورونا وائرس سے اموات، بلوچستان میں ہنگامی اقدامات

ایران میں کورونا وائرس سے اموات کے بعد بلوچستان...

دوسری جانب خبرایجنسی نے عراق میں کوروناوائرس کےپہلےکیس کی تصدیق کر دی ہے،کوروناوائرس کا پہلا کیس نجف میں سامنےآیاجبکہ متاثرہ مریض ایرانی باشندہ ہے۔

خبرایجنسی کے مطابق عراق نےگذشتہ کئی دنوں سے ایران سے آمدورفت معطل کررکھی ہے۔

افغان وزیر صحت کے مطابق افغانستان میں بھی کورونا وائرس کا ایک کیس رپورٹ ہوا ہے، کوروناوائرس کا کیس صوبے ہرات میں رپورٹ ہوا۔

خبرایجنسی کے مطابق جنوبی کوریامیں کوروناوائرس کے مزید 70 کیسز سامنے آگئے جس کے بعد جنوبی کوریا میں کورونا وائرس سے متاثرین کی تعداد 833 ہوگئی ہے ۔

کورونا وائرس پرقابو پانے کے امکانات کم ہو رہے ہیں، ڈبلیو ایچ او

عالمی ادارہ صحت (ڈبلیو ایچ او) نے خبردار کرتے ہوئے کہا ہے کہ کورونا وائرس پرقابو پانے کے امکانات کم ہو رہے ہیں، متاثرہ ممالک وباء کا پھیلاؤ روکنے کے لیے مزید وسائل صرف کریں۔

چین سے شروع ہونے والے کورونا وائرس نے متعدد ملکوں کو اپنی لپیٹ میں لے لیا ہے ، افغانستان ، بحرین اور کویت میں پہلے کیسز کی تصدیق کردی گئی ہے جبکہ ایران میں وائرس سے ہونے والی اموات کی تعداد 50 ہو گئی ہے۔