کورونا وائرس سے متاثرہ مریض کا بیان

عالمی وبا کرونا وائرس سے متاثر ایک مریض کا کہنا ہے کہ کرونا وائرس کا ٹیسٹ پازیٹو آنا مذاق نہیں ہے، ہر شخص کو اسے سنجیدہ لینے کی ضرورت ہے۔

کرونا وائرس سے متاثر ایک مریض نے سوشل میڈیا پرا پنے ایک بیان میں کہا ہے کہ کرونا وائرس کی تصدیق ہونا ایک پریشان کن بات ہے، ہر شہری اس وبا کو سنجید گی سے لے، سنجیدگی وقت کی ضرورت ہے۔

کراچی میں کورونا سے پہلی ہلاکت

کراچی کے نجی اسپتال میں زیرِ علاج کورونا وائرس کا 77 سالہ مریض گزشتہ رات موت کا شکار ہو گیا ہے جس کے بعد سندھ میں کورونا وائرس سے یہ پہلی ہلاکت ریکارڈ ہوئی ہے۔

متاثرہ مریض نے کہا کہ ماسک استعمال کریں اور دوسرے شخص سے ایک میٹر کا فاصلہ رکھیں، انتہائی ضرورت کے بغیر گھر سے باہر نکلنے سے گریز کریں۔

متاثرہ مریض نے کہا ہے کہ میری حالیہ ٹریولنگ ہسٹری نہیں اورنہ ہی کسی باہرسے آنے والے سے ملا ہوں مگر مجھے وائرس یہیں سے لگا اس سے آپ معاملے کی حساسیت کا اندازہ لگا سکتے ہیں۔

کورونا وائرس سے متاثرہ مریض کا وائرس کے حملے کی صورت میں ظاہر ہونے والی علامات سے متعلق کہنا تھا کہ مجھے تیز بخار، نزلہ، خشک کھانسی، گلا سوکھنا اور کمزوری تھی۔

متاثرہ مریض کا کہنا تھا کہ اپنے حلقہ احباب میں جن سے ملا انہیں بتادیا ہے کہ وہ ان علامات پر نظر رکھیں۔

متاثرہ مریض نے سندھ حکومت کی تعریف کرتے ہوئے کہا کہ سندھ حکومت کا شکر گزار ہوں جس نے میرے کیس پر تیزی سے کام کیا اور میری سوچ سے بڑھ کرکم وقت میں مجھے تمام طبی سہولتیں دی گئیں۔