وزیراعظم کوئی ایسا گھر بتائیں جس کا 3ہزار میں گزارہ ہو جائے، سر اج الحق

اسلام آ باد (نمائندہ جنگ) امیر جماعت اسلامی سراج الحق نے کہاہے کہ وزیراعظم کوئی ایسا گر بتائیں جس سے ایک گھرانے کا تین ہزار میں گزارہ ہوجائے۔ وزیراعظم کا اپنا دو لاکھ میں گزارہ نہیں ہوتا غریب عوام کو مزید مشکل میں نہ ڈالا جائے اور کم از کم انہیں اتنا گزار ہ الاؤنس ضرور دیا جائے جس سے وہ دو وقت کا کھانا کھا سکیں۔ گزشتہ روزسندھ اور پنجاب کے امرائے اضلاع سے ٹیلیفونک گفتگو کرتے ہوئے انہوں نے ہدایت کی کہ مشکل کی اس گھڑی میں عوام کیساتھ قریبی رابطہ میں رہنے اور ان کی مشکلات کو حل کرنے کیلئے جماعت اسلامی اور الخدمت کے رضا کار کمیٹیوں کو محلوں کی سطح پر منظم کیا جائے۔