فرمان الہی
نماز کے اوقات
کورونا وائرس کی وجہ سے پاکستان کے لاک ڈاؤن میں پھنسے جاپانی شہریوں کو ان کے وطن واپس پہنچانے کیلئے قومی ایئر لائن پی آئی اے کی ایک خصوصی پرواز آج کراچی سے ٹوکیو کے لیے روانہ ہوگی۔
کراچی میں جاپانی قونصل جنرل توشیکازو ایسومورا کی درخواست پر قومی ایئر لائن خصوصی پرواز تیار کی ہے جو آج شام کراچی سے روانہ ہوگئی۔
قونصل جنرل جاپان توشی کازو ایسومورا کے مطابق اس پرواز میں کراچی سے 83 مسافر سوار ہوں گے، جن میں 82 جاپانی شہری یا ان کے خاندانی تعلق دار پاکستانی مسافر شامل ہیں۔
جاپانی کمپنی کے لیے کام کرنے والا ایک کورین باشندہ بھی اس پرواز کا مسافر ہے جو ٹوکیو کا مستقل رہائشی ہے اور کام کے لیے کراچی آنے کے بعد کورونا وائرس کی وجہ سے یہاں پھنس گیا تھا۔
کراچی سے اڑان بھرنے کے بعد یہ پرواز اسلام آباد جائے گی، جہاں سے مزید 36 جاپانی شہری اس طیارے میں سوار ہوں گے۔
اسلام آباد سے ٹیک آف کے بعد یہ خصوصی پرواز جاپان کے دارالحکومت ٹوکیو کے ناریتا انٹرنیشنل ایئرپورٹ اترے گی۔
پی آئی اے ذرائع کے مطابق جاپان میں پھنسے پاکستانی اگر واپس آنا چاہیں تو ان کے لیے اس پرواز بکنگ اوپن کی گئی ہے۔
