فرمان الہی
نماز کے اوقات
پاکستان کے نامور گلوکار و سماجی کارکن شہزاد رائے کا کہنا ہے کہ مذہب، ثقافت اور زبانیں پاکستان کے بارے میں سب سے خوبصورت چیزیں ہے۔
گزشتہ روز پاکستان شوبز انڈسٹری سے تعلق رکھنے والے معروف گلوکار و سماجی کارکن شہزاد رائے نے مائیکرو بلاگنگ سائٹ ٹوئٹر پر اپنی ایک ویڈیو شیئر کی جس میں وہ تین مختلف زبانوں گجراتی، پنجابی اور اُردو میں ’تیرے در پہ خالی جھولی لایا ہوں‘ پڑھ رہے ہیں۔
شہزاد رائے نے ٹوئٹر پر اپنی یہ ویڈیو شیئر کرتے ہوئے لکھا کہ ’پاکستان کی سب سے خوبصورت چیزیں اُس کی زبانیں، ثقافت اور مذہب ہے۔‘
گلوکار و سماجی کارکن نے لکھا کہ ’ہوسکتا ہے کہ ہم کبھی ایک دوسرے کو نہ سمجھ سکیں لیکن مجھے اُمید ہے کہ کورونا میں ملنے والی دوری کی وجہ سے ہم اِن چیزوں کو سمجھ سکیں گے۔‘
اُنہوں نے لکھا کہ ’کورونا میں سماجی فاصلے کی وجہ سے ہمیں ان چیزوں کی عکاسی کرنے میں مدد مل سکتی ہے جو ہمارے درمیان اچھی ہیں۔‘
شہزاد رائے نے آخر میں لکھا کہ ’میں اپنے تجربے کو تین مشترکہ زبانوں اُردو، گجراتی اور پنجابی میں خراج تحسین پیش کر رہا ہوں۔‘
دوسری جانب شہزاد رائے نے تصویر اور ویڈیو شیئرنگ ایپ انسٹاگرام پر اپنی ایک تصویر شیئر کی جس کے کیپشن میں اُنہوں نے اُردو کے معروف شاعر ’جون ایلیا‘ کا ایک مشہور شعر لکھا۔
شہزاد رائے نے لکھا:
جرم میں ہم کمی کریں بھی تو کیوں
تُم سزا بھی تو کم نہیں کرتے
