آپ آف لائن ہیں
اتوار13؍ذیقعد 1441ھ 5؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ٹرمپ کا جی سیون اجلاس موخر کرنے کا عندیہ

بین الاقوامی خبر ایجنسی کے مطابق امریکی صدر ڈونلڈ ٹرمپ نے جی سیون اجلاس موخر کرنے کا عندیہ دے دیا۔

امریکی صدر ڈونلڈ ٹرمپ نے واشنگٹن میں گفتگو کرتے ہوئے کہا کہ جی سیون اجلاس میں تاخیر کرکے دیگر ممالک کو مدعو کروں گا۔

ڈونلڈ ٹرمپ نے کہا کہ میں نہیں سمجھتا کہ جی سیون دنیا بھر کےحالات کی مکمل نمائندگی کر رہا ہے، جی سیون ممالک کا گروپ پُرانا ہوگیا ہے۔

ٹرمپ نے کہا کہ جی سیون میں روس، جنوبی کوریا، آسٹریلیا اور بھارت کو بھی مدعو کرنا چاہوں گا، جی سیون اجلاس یو این جنرل اسمبلی سے پہلے یا بعد میں ستمبر میں ہوسکتا ہے اور ہوسکتا ہے کہ جی سیون اجلاس انتخابات کے بعد بلاؤں۔

دوسری جانب خبر ایجنسی کے مطابق جی سیون ممالک کا اجلاس جون کے آخر میں ویڈیو کانفرنس کے ذریعے شیڈول ہے، رواں سال جی سیون اجلاس کی سربراہی امریکا کررہا ہے۔

بین الاقوامی خبریں سے مزید