فرمان الہی
نماز کے اوقات
امریکی صدر ڈونلڈ ٹرمپ کی چال میں لڑکھڑاہٹ اور پانی کا گلاس پکڑنے کے انداز نے ماہرین اور لوگوں کو چونکا دیا جس پر ماہرین بول اُٹھے کہ ڈونلڈ ٹرمپ کو اپنے دماغ کا اسکین کروالینا چاہیے۔
امریکی صدر ڈونلڈ ٹرمپ نے ملٹری اکیڈمی میں گریجویشن تقریب میں شرکت کی۔
خطاب کے دوران جب انہيں پانی پینے کی ضرورت محسوس ہوئی تو پانی بھی انہوں نے سپ بھرنے کے انداز سے پیا، وہ اپنا گلاس ایک ہاتھ سے تھام نہ سکے اور دوسرے ہاتھ سے گلاس سنبھالنا پڑا۔
اسی تقریب میں آنے کے موقع پر سیڑھیاں اترتے ہوئے بھی ٹرمپ لڑکھڑاہٹ سے دوچار دکھائی دیے۔
صدر ڈونلڈ ٹرمپ کے دونوں ہاتھوں سے گلاس تھامنے پر ماہر نفسیات ڈاکٹر بینڈے لی نے کہا کہ یہ ایک اعصابی علامت ہے اور انہيں دماغ کا اسکین کرواناچاہیے۔
دوسری طرف صدارتی دوڑ ميں ٹرمپ کے حریف جو بائیڈن کے فنڈ ریزر نے بھی بیان داغ دیا اور کہا کہ حالیہ ویڈيوز ظاہر کرتی ہیں کہ ٹرمپ کو کچھ طبی مسائل ہیں۔
ان بیانات کا جواب ڈونلڈ ٹرمپ نے اپنے ٹوئٹ میں دیا اور کہا کہ جس ریمپ سے وہ تقریر کے بعد اتر رہے تھے وہ بہت سیدھا اور لمبا تھا اور اس میں کوئی ریلنگ نہيں تھی اور یہ سب بہت سلپری تھا۔
انہوں نے یہ بھی کہا کہ آخر میں جو انہوں نے گرنے کا انداز اپنایا وہ فیک نیوز والوں کے ساتھ مزاح کے طور پر کیا تھا۔
