فرمان الہی
نماز کے اوقات
پاکستان کے سب سے بڑے میڈیا گروپ جنگ اور جیو ٹی وی کے ایڈیٹر انچیف میر شکیل الرحمٰن کی غیر قانونی گرفتاری کے خلاف مختلف شہروں میں 98 روز سے احتجاج جاری ہے ، سینئر صحافیوں نے میر شکیل الرحمٰن کی فوری رہائی کا مطالبہ کیا ہے ۔
لاہور، کوئٹہ، پشاور اور نواب شاہ میں جنگ اور جیو ٹی وی کے ایڈیٹر انچیف کی غیرقانونی گرفتاری کے خلاف مظاہرے کیے گئے ۔
لاہور کے ڈیوس روڈ پر گزشتہ کئی ہفتے سے ایڈیٹرانچیف جنگ جیو گروپ میر شکیل الرحمٰن کی گرفتاری کے خلاف احتجاجی کیمپ قائم ہے۔
سینئر صحافیوں کاکہناہےکہ میر شکیل الرحمٰن کی گرفتاری آزادی صحافت کو دبانے کی کوشش ہے جو کبھی کامیاب نہیں ہو سکتی۔
کوئٹہ کی جنگ بلڈنگ میں ہونے والے احتجاجی مظاہرے میں جنگ اور جیو نیوز سےمنسلک صحافیوں اور کارکنوں کی بڑی تعداد نے شرکت کی۔
مظاہرین کا کہنا تھا کہ نیب اب تک میرشکیل الرحمٰن کے خلاف ریفرنس دائر نہیں کرسکا، تمام تر دباؤ اورانتقامی کارروائیوں کےباوجودایڈیٹر انچیف جنگ جیو ثابت قدم ہیں۔
پشاور میں جنگ جیو کے دفاتر کے صحافیوں اور میڈیا ورکرز نے میر شکیل الرحمٰن کی عدم رہائی کےخلاف احتجاج کرتےہوئےفوری رہائی کامطالبہ کیا۔
نواب شاہ میں میر شکیل الرحمٰن کی گرفتاری کے خلاف تاجروں نے لیاقت آباد میں احتجاج کیا۔
