آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہبازشریف کا ملازمین کی تنخواہ میں اضافے کا مطالبہ

مسلم لیگ نون کے صدر اور قومی اسمبلی میں قائد حزب اختلاف شہباز شریف نے سرکاری ملازمین اور مزدوروں کی تنخواہ میں اضافے کا مطالبہ کردیا۔

شہباز شریف نے کہا کہ 72سرکاری ملازمین کی تنخواہوں میں اضافہ کیاجائے، سرکاری ملازمین کے صبر کاپیمانہ لبریز ہے، حکومت احساس کرے۔

انہوں نے کہا کہ مہنگائی اور کورونا نے سرکاری ملازمین کی زندگی اجیرن بنادی ہے، پندرہ سے بیس فیصد تنخواہوں میں اضافے سے 30 ارب کے لگ بھگ رقم خرچ ہوگی۔

شہباز شریف نے سرکاری ملازمین کے ساتھ عام مزدوروں کی کم ازکم اجرت میں بھی اضافے کا مطالبہ کرتے ہوئے کہا کہ عام مزدور، فیکٹری اور مل ملازمین کی اجرت بڑھائی جائے۔

انہوں نے کہا کہ حکومت ٹیکس اور دیگر مراعات سے صنعت وفیکٹری کو مدد دے، سرکاری ملازمین اور مزدوروں کو حالات کے رحم وکرم پر چھوڑا گیا تو مزید نقصان ہوگا۔

صدر مسلم لیگ نون نے کہا کہ تنخواہیں نہ بڑھانے سے فائدے کے بجائے نقصان زیادہ ہوگا۔

قومی خبریں سے مزید