شہباز شریف کو چینی قونصل جنرل کا خط، خیرسگالی جذبات پر اظہار تشکر

قائد حزب اختلاف شہباز شریف کو چین کے قونصل جنرل لانگ دینگ بِن کی جانب سے خط موصول ہوا ہے۔

 چینی قونصل جنرل نے تحریر کیا کہ کمیونسٹ پارٹی کی 99 ویں سالگرہ پر آپ کے خط پر شکریہ ادا کرتا ہوں، آپ چین اور چینی عوام کے دیرینہ دوست ہیں۔

قونصل جنرل چین نے شہباز شریف کی جانب سے خیرسگالی کے جذبات پر نیک تمناؤں کا اظہار کرتے ہوئے کہا کہ کمیونسٹ پارٹی پاکستان کی تمام جماعتوں سے تعاون کو مضبوط بنانے کی خواہاں ہے۔

انہوں نے مزید کہا کہ تمام شعبہ جات میں چین پاکستان دوستی کو مزید مضبوط اور توانا بنانا چاہتے ہیں۔