آپ آف لائن ہیں
پیر19؍ذی الحج 1441ھ 10؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

50 ہزار پرچون کی دکانیں کھولنے کے منصوبے میں پیش رفت

حکومت کا ملک بھر میں عوام تک سستی اشیا پہنچانے اور روزگار کی فراہمی سے متعلق 50 ہزار پرچون کی دکانیں کھولنے کے منصوبے میں پیش رفت ہوئی ہے۔

ذرائع نے بتایا ہے کہ حکومت کو قرض کے لیے ڈھائی لاکھ درخواستیں موصول ہوئی ہیں۔ درخواست کنندگان نے پرچون کی دکانیں کھولنے میں دلچسپی ظاہر کی ہے۔

ذرائع نے یہ بھی بتایا کہ یہ قرضے وزیراعظم کامیاب جوان پروگرام کے تحت دیئے جائیں گے۔

ذرائع نے یہ بھی بتایا کہ قرضے ریٹیل اسٹورز اور فرنچائز اسٹورز کیلئے دیئے جائیں گے۔

ذرائع کے مطابق یہ پرچون کی دکانیں ریٹیل اسٹورز، یوٹیلیٹی اسٹورز کارپوریشن کے تحت کھولنے کا منصوبہ ہے۔

اس منصوبے کے تحت 50 ہزار خاندانوں کو براہِ راست روزگار ملے گا۔

قومی خبریں سے مزید