مودی کا کشمیری شناخت مٹانے کا ایجنڈا کامیاب نہیں ہونے دیں گے، معید یوسف

وزیراعظم کے معاون خصوصی ڈاکٹر معید یوسف نے کہا ہے کہ مودی حکومت کا کشمیری شناخت مٹانے کا ایجنڈا کامیاب نہیں ہونے دیں گے۔ بھارت کے جارحانہ اقدامات کامیاب نہیں ہوسکتے۔

ڈاکٹر معید یوسف اور چیئرمین کشمیر کمیٹی شہریار آفریدی کی اسلام آباد میں ملاقات ہوئی۔

یہ بھی پڑھیے: مسلمانوں کی نسل کشی کا بھارتی منصوبہ

اس موقع پر مقبوضہ کشمیر کی صورتحال پر تبادلہ خیال کیا گیا، جبکہ اقوام متحدہ اور بین الاقوامی اداروں میں مسئلہ کشمیر کو اٹھانے کا فیصلہ بھی کیا گیا۔

ملاقات کے دوران ڈاکٹر معید یوسف نے کہا کہ بھارت کے مظالم اور جارحانہ اقدامات کشمیریوں کی جدوجہد کو نہیں روک سکتے، 5 اگست کو کشمیریوں کے بھارتی محاصرے کو ایک سال مکمل ہوگا۔

یومِ الحاقِ پاکستان جموں و کشمیر کی تاریخ کا اہم دن ہے، علی رضا سید

چیئرمین کشمیر کونسل ای یو علی رضا سید نے کہا ہے کہ 19جولائی یوم الحاق پاکستان جموں و کشمیر کی تاریخ کا انتہائی اہم دن ہے۔

انہوں نے مزید کہا کہ بھارتی فوج کے مظالم کے باوجود کشمیریوں کی جدوجہد رنگ لائے گی۔ پاکستان ہمیشہ اپنے کشمیری بھائیوں اوربہنوں کے ساتھ کھڑا ہے۔