فرمان الہی
نماز کے اوقات
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ کراچی سے دہشت گردوں کا راج ختم کر دیا، اب شہر کی ترقی پر کام کریں گے۔
چیئرمین پیپلز پارٹی بلاول بھٹو زرداری نے کراچی کے بارش سے متاثرہ علاقوں کا دورہ کیا، اس موقع پر کراچی کے علاقے نارتھ ناظم آباد میں کے ڈی اے چورنگی پر کارکنوں سےخطاب کرتے ہوئے انہوں نے کہا کہ پیپلز پارٹی کے بہادر جیالوں کو سلام پیش کرتا ہوں۔
انہوں نے کہا کہ کراچی میں 100 سال بعد اتنی زیادہ بارش ہوئی، جس سے شہری متاثر ہوئے، نالوں کو صاف کریں گے مگر انصاف کے ساتھ صاف کریں گے۔
بلاول بھٹو زرداری نے کہا کہ نالوں کی صفائی کے دوران کسی کا گھر اس وقت تک نہیں توڑیں گے جب تک اسے نیا گھر نہ دے دیں۔
انہوں نے کہا کہ سندھ میں بارش سے بہت نقصان ہوا ہے، جن لوگوں کو بارشوں میں نقصان پہنچا ہے ان کا خیال رکھنا پڑے گا۔
چیئرمین پی پی پی کا کہنا ہے کہ اس وقت میں آپ کے ساتھ ہوں، آپ کے وزیرِ اعلیٰ کے ساتھ آیا ہوں، گرین لائن کی وجہ سے ہمارے ڈرینیج کو نقصان پہنچا ہے۔
ان کا کہنا ہے کہ نالوں کی صفائی کے دوران ہم کسی کے گھر کو کچھ نہیں ہونے دیں گے، مجھے آپ کا ساتھ چاہیے، جیسے آپ نے بے نظیر بھٹو کا ساتھ دیا تھا۔
بلاول بھٹو زرداری کا یہ بھی کہنا ہے کہ ہم مانتے ہیں کہ بارش سے کراچی والوں کو بہت نقصان پہنچا ہے، وفاق سے سندھ کا پیسہ لیں گے۔
اس سے قبل نارتھ ناظم آباد کی کے ڈی اے چورنگی پہنچنے پر صدر پی پی سینٹرل ظفر صدیقی نے بلاول بھٹو زرداری کا استقبال کیا۔
یہ بھی پڑھیئے:۔
وفاق نے کراچی کیلئے 300، سندھ نے 800 ارب مختص کیئے، بلاول بھٹو
کے ڈی اے چورنگی پیپلز پارٹی کے پرچموں سے سجی ہوئی تھی، جبکہ سیکیورٹی کے سخت انتظامات بھی کیئے گئے تھے۔
چیئرمین پی پی بلاول بھٹو زرداری کے کے ڈی اے چورنگی پر خطاب کے موقع پر پیپلز پارٹی کے کارکنان کی بڑی تعداد موجود تھی۔
بلاول بھٹو بلاول زرداری نے گزشتہ روز کیماڑی کا دورہ کیا تھا، جس کے بعد انہوں نے ملیر میں بارش سے متاثرہ علاقوں کا دورہ بھی کیا تھا۔
آج چیئرمین پیپلز پارٹی کراچی کے بارش سے زیادہ متاثرہ علاقوں ناگن چورنگی اور سرجانی ٹاؤن بھی جائیں گے۔
