• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خاتون کے ساتھ زیادتی، سینیٹ کمیٹی نے نوٹس لے لیا

تازہ ترین
قومی خبریں
10 ستمبر ، 2020


سینیٹ کی انسانی حقوق کمیٹی نے خاتون کے ساتھ موٹر وے پر جنسی زیادتی کے واقعہ کا نوٹس لے لیا۔ اشتعال انگیز بیان دینے پر سی سی پی او کو بھی طلب کر لیا۔

سینیٹ کی فنکشنل کمیٹی انسانی حقوق کا اجلاس 16 ستمبر کو ہو گا۔

چیئرمین کمیٹی مصطفیٰ نواز کھوکھر نے اجلاس میں آئی جی موٹر وے پولیس اور سیکریٹری مواصلات اور سی سی پی او کو طلب کر لیا۔

موٹروے پرزیادتی کی خاتون کے کپڑے فارنزک کیلئے بھیج دیئے گئے

فرانزک ذرائع کا کہنا ہے کہ فرانزک ماہرین نےموقع سے خون اورفنگر پرنٹ بھی حاصل کئے ہیں ،نمونوں سے ملزمان کی معلومات حاصل کرنےمیں مدد ملے گی۔

مصطفیٰ نواز کھوکھر نے کہا کہ سی سی پی او کا اشتعال انگیز بیان نوٹس جاری ہونے کے بعد سنا، سی سی پی او کو غیر حساس بیان پر وضاحت دینے کے لیے اجلاس میں طلب کیا جائے گا۔

سی سی پی او لاہور نے زیادتی کی شکار خاتون پر ہی سوالات اٹھادیے

انھوں نے کہا کہ اکیلی خاتون کو آدھی رات میں موٹروے سے جانے کی ضرورت کیا تھی؟

کمیٹی اجلاس کے ایجنڈا میں کہا گیا ہے کہ سیکرٹری مواصلات، آئی جی پولیس، نیشنل ہائی وے اور موٹر وے پولیس کمیٹی کو زیادتی کے معاملے پر بریفنگ دیں گے۔

آئی جی موٹر وے پولیس خصوصی طور پر آگاہ کریں گے کہ موٹر وے پولیس نے متاثرہ خاتون کی کال پر اس کی مدد کیوں نہیں کی تھی۔

تازہ ترین