• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت نے الیکٹرک پنکھوں پر ڈیوٹی ڈرا بیک کا ریٹ بڑھادیا: عبدالرزاق داؤد

تازہ ترین
تجارتی خبریں
14 ستمبر ، 2020
حکومت نے الیکٹرک پنکھوں پر ڈیوٹی ڈرا بیک کا ریٹ بڑھادیا: عبدالرزاق داؤد

مشیر تجارت عبدالرزاق داؤد کا کہنا ہے کہ حکومت نے الیکٹرک پنکھوں پر ڈیوٹی ڈرا بیک کا ریٹ بڑھا دیا۔

اگست میں برآمدات میں 19 اعشاریہ 5 فیصد کمی ہوئی: عبد الرزاق داؤد

عبد الرزاق داؤد کا کہنا ہے کہ بارشیں اور سیلاب کے باعث گزشتہ ماہ برآمدات میں 19 اعشاریہ 5 فیصد کمی ہوئی ہے۔

مشیر تجارت نے کہا کہ الیکٹرک پنکھوں پر ڈیوٹی ڈرا بیک کا ریٹ ایک اعشاریہ 7  سے بڑھ کر4.39 فیصد ہوگیا ہے۔

انہوں نے کہا کہ ڈیوٹی ڈرا بیک کے ریٹ پر 11 سال بعد نظرثانی کی گئی، ایف بی آر نے ڈیوٹی ڈرابیک کے نئے ریٹ کا نوٹی فکیشن جاری کردیا۔

عبدالرزاق داؤد نے کہا کہ ہمیشہ سے کہتا آرہا ہوں کہ ڈیوٹی ڈرا بیک برآمد گنندگان کا حق ہے، اس حکومتی اقدام سے مقامی پیداوار اور برآمدات میں اضافے کی امید ہے۔

انہوں نے کہا کہ ڈیویلپمنٹ شعبے میں برآمدات میں اضافہ ہماری پالیسی کا حصہ ہے، انجینئرنگ شعبے کی برآمدات بڑھانا ہماری اولین ترجیح ہے۔

تازہ ترین