آپ آف لائن ہیں
منگل9؍ربیع الاوّل 1442ھ 27؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شہباز شریف این آر او کیلئے ہر سیاسی قیمت دینے کو تیار ہیں، شہباز گل


وزیراعظم عمران خان کے معاون خصوصی برائے سیاسی روابط شہباز گل نے دعویٰ کیا ہے کہ شہباز شریف این آر او کے لیے ہر سیاسی قیمت دینے کو تیار ہیں۔

اپوزیشن لیڈر کی گرفتاری پر ردعمل دیتے ہوئے شہباز گل نے کہا کہ اپوزیشن جماعتوں کی آل پارٹیز کانفرنس (اے پی سی) کا مقصد ہی گرفتاریوں سے بچنا تھا۔


انہوں نے کہا کہ آج شہباز شریف کو این آر او دے دیں تو وہ ہر سیاسی قیمت دینے کو تیار ہیں۔

شہباز گل نے مزید کہا کہ کچھ لوگ کہہ رہے ہیں کہ شہباز شریف کی ضمانت مسترد ہونا اے پی سی اور بڑے بھائی کی تقریر کے ساتھ کھڑے ہونے کا نتیجہ ہے۔

انہوں نے استفسار کیا کہ تو کیا جب شہباز شریف کو ضمانت ملی تھی اس دن انہوں نے اپنا ضمیر بیچا تھا؟

قومی خبریں سے مزید