ٹرمپ کی صدارتی مہم کےمنیجر بھی کورونا وائرس کا شکار

امریکی صدر ٹرمپ اور ان کی اہلیہ میلانیا کے بعد ٹرمپ کی صدارتی مہم کے منیجر بل اسٹیفن ( Bill Stepien ) کا بھی کورونا وائرس ٹیسٹ مثبت آگیا۔

امریکی میڈیا کے مطابق امریکی صدر کی صدارتی مہم کےمنیجر کورونا وائرس ٹیسٹ مثبت آجانے پر اب اپنے گھر سے ہی کام کرینگے۔

کورونا میں مبتلا ڈونلڈ ٹرمپ اسپتال منتقل

صدارتی انتخابات سے ایک ماہ قبل کورونا بیماری میں مبتلا امریکا کے صدر ڈونلڈ ٹرمپ کو بہتر علاج کے لیے اسپتال منتقل کردیا گیا ہے۔ وہ فیس ماسک لگا کر خود چلتے ہوئے ہیلی کاپٹر میں سوار ہوئے۔ اس سے قبل ان کا وائٹ ہاؤس ہی میں علاج شروع کردیا گیا تھا۔

واضح رہے کہ صدارتی انتخابات سے ایک ماہ قبل کورونا وائرس کی وباء میں مبتلا امریکا کے صدر ڈونلڈ ٹرمپ کا گزشتہ روز ٹیسٹ مثبت آیا تھا جس کے بعد بہتر علاج کے لیے انہیں وائٹ ہاؤس سے اسپتال منتقل کردیا گیا ہے۔

وائٹ ہاؤس کے مطابق صدر ٹرمپ کو بخار، سینے میں درد اور کھانسی ہے، ان میں کوویڈ 19 کی درمیانے درجے کی علامات ظاہر ہوئی ہیں، جبکہ ٹرمپ اسپتال منتقلی کے وقت فیس ماسک لگا کر خود چلتے ہوئے ہیلی کاپٹر میں سوار ہوئے ۔

والد کیلئے دعا کریں: ایرک، ایوانکا ٹرمپ

کورونا وائرس کا شکار ہونے والے امریکی صدر ڈونلڈ ٹرمپ کی اسپتال منتقلی پر ان کے بیٹے ایرک اور بیٹی ایوانکا نے عوام سے اپیل کی ہے کہ والد کی صحت یابی کے لیے دعا کریں۔

غیرملکی میڈیا کے مطابق صدر ٹرمپ آئندہ چند روز ملٹری اسپتال میں ہی زیر علاج رہیں گے۔ جہاں سے وہ صدارتی امور بھی انجام دیتے رہیں گے۔

اسپتال منتقلی کی وجہ سے صدر ٹرمپ کی انتخابی مہم کے تمام ایونٹس عارضی طور پر ملتوی یا ورچوئل کر دیے گئے ہیں جبکہ خاتون اول کے ایونٹس بھی ملتوی کر دیے گئے ہیں۔

ٹرمپ اور میلانیا کا کورونا وائرس ٹیسٹ مثبت آگیا

صدر ٹرمپ کی معتمد خاص ہوپ ہکس کے کورونا وائرس میں مبتلا ہونے کے بعد امریکی صدر نے بھی کورونا ٹیسٹ کروا لیاٹرمپ اور ان کی اہلیہ نے خود کو قرنطینہ کر لیا ہے۔

صدر کے معالج کا کہنا ہے کہ ڈونلڈ ٹرمپ کو سینتھیٹک اینٹی باڈیز دی گئی ہیں۔ پولی کلونل اینٹی باڈی کاکٹیل کی آٹھ گرام ڈوز دی گئی ہے۔ صدر ٹرمپ تھکاوٹ کا شکار ہیں۔ انہیں وٹامن ڈی، ایسپرین، فیموٹائی ڈینfamotidine اور میلاٹونین melatonin بھی دی جارہی ہیں۔