آپ آف لائن ہیں
جمعرات7؍ جمادی الثانی 1442ھ21؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

برطانوی ہائی کمشنر کی پاکستان میں سیاحت کے فروغ کیلئے تجاویز

برطانوی ہائی کمشنر ڈاکٹر کرسچن ٹرنر نے پاکستان میں سیاحت کے فروغ کے لیے تجاویز دیتے ہوئے کہا ہے کہ ضروری ہے کہ قدرتی حسن کو محفوظ بنانے کے لیے سیاحتی مقام پر کوڑا نہ ہو۔

ایک بیان میں برطانوی ہائی کمشنر نے کہا کہ یہ بھی ضروری ہے کہ قدرتی حسن کو گرین ٹورازم کے ذریعے محفوظ بنایا جائے۔

انہوں نے مزید کہا کہ پوری دنیا پاکستان کی خوبصورتی کی تعریف کر رہی ہے، برطانیہ یہاں مزید پائیدار سیاحت کو دیکھنا چاہتا ہے۔


برطانوی ہائی کمشنر نے یہ بھی کہا کہ سیاحت سے ملازمتیں پیدا ہوں گی اور مقامی برادریوں کو مدد ملے گی۔

ان کا کہنا تھا کہ ہزاروں برطانوی شہریوں نے کورونا سے پہلے پاکستان کا دورہ کیا۔

برطانوی ہائی کمشنر نے کہا کہ پاکستان میں بہتر ہوتی ہوئی سیکیورٹی کے باعث برطانیہ نے اپنی ٹریول ایڈوائزری کو تبدیل کیا۔

انہوں نے مزید کہا کہ یہ سب پاکستان میں سیاحت کو فروغ دینے میں مدد دے گا۔

قومی خبریں سے مزید