آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لینگر بیک وقت دو نیشنل کرکٹ ٹیموں کے ایکشن کے مخالف

آسٹریلیا کرکٹ ٹیم کے کوچ جسٹن لینگر نے بیک وقت دو نیشنل ٹیموں کے ایکشن میں ہونے کی مخالفت کر دی۔

آسٹریلوی کرکٹ ٹیم کے کوچ جسٹن لینگر نے آسٹریلیا کی دو ٹیموں کے ایک وقت میں ٹیسٹ اور ٹی ٹوئنٹی کھیلنے کی مخالفت کی ہے ، اس حوالے سے انہوں نے کرکٹ آسٹریلیا کو اپنی رائے سے آگاہ کر دیا ہے اور کہا ہے کہ دو ٹیموں کے ایکشن میں ہونے سے ڈومیسٹک کرکٹ متاثر ہوگی۔


آسٹریلیا کرکٹ ٹیم نے اگلے برس 22 فروری سے 7مارچ تک نیوزی لینڈ میں ٹی ٹوئنٹی سیریز کھیلنا ہے جبکہ ان تاریخوں میں آسٹریلیا کا فیوچر پلان ٹور(ایف ٹی پی )کے مطابق دورۂ ساوتھ افریقہ تجویز کیا گیا ہے۔

جسٹن لینگر کا کہنا ہے کہ انہیں علم ہے کہ کورونا وائرس کی وجہ سے مالی مسائل کے حل کے لیے انٹرنیشنل ٹورز ضروری ہیں لیکن وہ ایک وقت میں دو انٹرنیشنل ٹیموں کے کھیلنے کے کسی طور پر حق میں نہیں ہیں۔

لینگر نے کہا کہ ہم دو ملک نہیں ہیں ، ہم ایک ملک ہیں تو ایک وقت میں ایک ٹیم کو ہی کھیلنا چاہیے۔

کھیلوں کی خبریں سے مزید