آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کے۔فور منصوبے پر عملدر آمد کی ذمہ داری واپڈا کے سپرد

وفاقی حکومت نے کے۔فور منصوبے پر عملدرآمد کی ذمہ داری واپڈا کو سونپ دی۔

کے۔فور کی ذمہ داری ملنے کے بعد چیئرمین واپڈا کی زیر صدارت تمام اسٹیک ہولڈ رز کا اجلاس ہوا۔ جس میں رکن قومی اسمبلی نجیب ہارون، وفاقی اور سندھ حکومت کے نمائندوں نے شرکت کی۔

ترجمان واپڈا کا کہنا ہے کہ سندھ حکومت، کنسلٹنٹس اور کنٹریکٹرز کے نمائندوں نے اجلاس کو منصوبے پر بریفنگ دی۔

ترجمان کا کہنا ہے کہ اجلاس میں کے۔فور منصوبےکو کم مدت میں مکمل کرنے کی حکمت عملی وضع کرنے پر تبادلہ خیال کیا گیا۔


چیئرمین واپڈا نے کہا کہ واپڈا کے۔فور منصوبے کو نئے اہداف کے مطابق مکمل کرنے کے تمام اقدامات عمل میں لائے گا، جبکہ کے فور منصوبہ کم از کم  مدت میں مکمل کریں گے تاکہ کراچی کے شہری اس سے فائدہ اُٹھاسکیں۔

چیئرمین واپڈا کا کہنا تھا کہ دستیاب معلومات کی روشنی میں واپڈا کے۔فور منصوبے کی تکمیل کے لیے ٹائم لائنز ترتیب دےگا، منصوبےکی تعمیر کے اہداف کو ان ٹائم  لائنز کے مطابق حاصل کرنے کو یقینی بنایا جائے گا۔

قومی خبریں سے مزید