آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعظم عمران خان 2 جلسوں کے بعد ہی انتخابات کی باتیں کرنے لگے، احسن اقبال


اپوزیشن کی سب سے بڑی جماعت مسلم لیگ (ن) کے سینئر رہنما اور سابق وزیر داخلہ احسن اقبال نے کہا ہے کہ وزیراعظم عمران خان اپوزیشن کے 2 جلسوں کے بعد ہی انتخابات کی باتیں کرنے لگے ہیں۔

بہاولپور میں میڈیا سے گفتگو میں احسن اقبال نے کہا کہ پاکستان ڈیموکریٹک موومنٹ (پی ڈی ایم) کی صورت میں اپوزیشن متحد ہے۔

انہوں نے کہا کہ وزیراعظم عمران خان کہتے ہیں کہ برطانیہ جاؤں گا اور سابق وزیراعظم نواز شریف کو وطن لے کر آؤں گا۔


ن لیگی رہنما نے اس پر کہا کہ وزیر اعظم کو معلوم ہونا چاہیے کہ برطانیہ میں قانون کی حکمرانی ہے، وہاں قومی احتساب بیورو (نیب) کا حکم نہیں چلتا۔

ان کا کہنا تھا کہ ن لیگی قائد نواز شریف کی واپسی صرف اور صرف ان کی صحت سے مشروط ہے۔

احسن اقبال نے جنگ اور جیو گروپ کے ایڈیٹر انچیف میر شکیل الرحمٰن کی گرفتار ی کا تذکرہ کرتے ہوئے کہا کہ ان کی حراست کو 225 دن ہوچکے ہیں، یہ میڈیا کی آزادی کو دبانا نہیں تو اور کیا ہے؟

انہوں نے کہا کہ حکومت کوئٹہ کے جلسے کو سیکیورٹی کے نام پر ناکام بنانا چاہتی ہے، کل کا جلسہ کوئٹہ کی تاریخ کا سب سے بڑا جلسہ ہوگا۔

قومی خبریں سے مزید