دبئی سے ڈی پورٹ دو افراد ایئرپورٹ پر گرفتار

ملتان (سٹاف رپورٹر) دبئی سے غیرقانونی رہائش کے الزام میں جلاوطن دو افراد کو ایف آئی اے نے ایئرپورٹ پر تحویل میں لیا۔گزشتہ روز دبئی سے ملتان ایئرپورٹ پہنچنے والی نجی ایئر لائن میں سوار دو مسافر نواب شاہ کا رہائشی مشتاق احمد اور خانیوال کا رہائشی ثنا اللہ کو غیرقانونی طریقے سے رہائش اختیار کرنے کے الزام میں جلاوطن کردیا گیا جو ملتان ایئر پورٹ پہنچے تو ایف آئی اے اہلکاروں نے اپنی تحویل میں لے لیا گیا جن کے بارے میں معلوم ہواکہ دونوں مسافر سنگل انٹری ویزا رکھتے تھے جس کے لئے انہوں نے پہلے ہی ایک سفر کیا ہوا تھا۔