آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اجیت دوول کی دھمکیوں کے بعد بھارت کی وضاحت

بھارتی حکومت کو نیشنل سیکیورٹی ایڈوائزر اجیت دوول کی جارحیت سے بھرپور دھمکیوں کے بعد چین سے ہوئی پٹائی یاد آگئی اور وضاحتی بیان میں کہا کہ دوول نے تقریر میں کسی ملک کا حوالہ نہیں دیا ہے۔

بھارتی حکام نے اپنی وضاحت میں کہا کہ نیشنل سیکیورٹی ایڈوائزر اجیت دوول کی تقریر چین سے متعلق یا کسی مخصوص صورتحال کیلئے نہیں تھی اور نہ ہی وہ تقریر میں کسی ملک کا حوالہ دے رہے تھے ۔

واضح رہے کہ بھارت کے نیشنل سیکیورٹی ایڈوائزر اجیت دوول نے اپنے ایک بیان میں کہا تھا کہ بھارت سیکیورٹی کے لیے خطرہ بننے والوں سے اپنی سرزمین پر بھی لڑے گا اور یہ جنگ اُن ملکوں کی سرزمین تک لے جائے گا جہاں سے یہ خطرات سر اٹھارہے ہیں۔

نئی دہلی میں ایک تقریب سے خطاب میں اجیت دوول نے دعویٰ کیاکہ اُن کے ملک نے پہلے کبھی حملہ نہیں کیا، ہمیشہ اپنے دفاع میں کارروائی کی۔

اجیت دوول اپنے بیانیے کو ’نیو انڈیا‘ کا نام دیتے ہیں جسے وہ آگے بڑھا رہے ہیں۔

دوسری جانب تجزیہ کاروں کے مطابق اجیت دوول لداخ میں چین کے ہاتھوں بھارت کو ہونے والی ہزیمت کا انتقام لینا چاہتے ہیں ساتھ ہی ساتھ وہ پاکستان کو بھی سبق سکھانے کے درپر ہیں۔

بین الاقوامی خبریں سے مزید