آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آئی بی اے ٹیسٹنگ نے بھرتیوں کے امتحان میں تاریخ رقم کر دی

کراچی (اسٹاف رپورٹر) آئی بی اے کراچی میں محکمہ ٹیسٹنگ نے ڈپارٹمنٹ کی تاریخ کی سب سے بڑی ایک روزہ ریکروٹمنٹ ڈرائیو کا انعقاد کیا جس میں سند ھ ریونیو بورڈ کی جانب سے منظورشدہ سیلزٹیکس آفیسرکے عہدے کے لئے لگ بھگ 5000امیدواروں نے امتحان میں شرکت کی، امتحان بیک وقت کراچی، حیدرآباد اور سکھر میں منعقد ہوئے جس میں مخصوص صلاحیتوں کے حامل امیدواروں کے لئے خصوصی انتظامات کئے گئے، کامیاب امیدوار گروپ ڈسکشن کے مرحلے سے گزارنے کے بعد40اسامیوں کے لئے اہل قرار پائیں گے، گزشتہ کئی برسوں سے آئی بی اے ٹیسٹنگ ڈپارٹمنٹ بےشمار نامورنجی اور سرکاری اداروں کواپنی خدمات سے مستفید کرچکا ہے،گزشتہ برس آئی بی اے محکمہ ٹیسٹنگ ملک کی پہلی ٹیسٹنگ ایجنسی کے طور پرابھر کر سامنے آیا جس نے بیک وقت دنیا کے مختلف کونوں بشمول برطانیہ ، کینیڈا، متحدہ عرب امارات اور پاکستان میں وزارتِ تجارت ، حکومت پاکستان کی منظور شدہ اسامیوں کے لئے امتحان کا انعقاد کرایا۔