آپ آف لائن ہیں
ہفتہ12؍ربیع الثانی 1442ھ 28؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شاداب فٹ نہیں، دو روز انجری چھپانے کے بعد پی سی بی کا اعتراف

کراچی (اسٹاف رپورٹر) پاکستان کرکٹ بورڈ نے دو دن سےنائب کپتان شاداب خان کی انجری چھپانے کے بعد آخر کار ان کے ان فٹ ہونے کا اعتراف کر ہی لیا ۔ ون ڈے سیریزمیں ان کی شرکت غیر یقینی ہے۔ پی سی بی کا کہنا ہے کہ شاداب خان کا ری ہیب جاری رہے گا اور دوسرے ون ڈے انٹرنیشنل میچ میں ان کی شرکت کا فیصلہ مناسب وقت پر کیا جائے گا۔ بدھ کی شب پاکستان کرکٹ بورڈ کی میڈیکل ٹیم نے تصدیق کی ہے کہ شاداب خان زمبابوے کے خلا ف پہلے ایک روزہ میچ کے لیے دستیاب نہیں ہیں۔ ذرائع کا کہنا ہے کہ جمعے کو عثمان قادر ون ڈے ڈیبیو کریں گے۔ شاداب نے 23 اکتوبر کو قذافی اسٹیڈیم لاہور میں کھیلے گئے پہلے انٹرا اسکواڈ پریکٹس میچ کے بعد اپنی بائیں ٹانگ میں کھنچائوکی شکایت کی تھی۔

اسپورٹس سے مزید