3نوجوانوں اور خاتون سمیت 4 افرد قتل، ایک ٹریفک حادثہ میں جاں بحق

میرا شہر

اسلام آباد

29 اکتوبر ، 2020

اسلام آباد، راولپنڈی ( خصوصی نا مہ نگار، سٹاف رپورٹر) جڑواں شہروں میں دو خواتین سمیت5افراد جان کی بازی ہار گئے۔ استعمال شدہ انجن آئل کا کام کرنے والے ڈھوک حسو کے رہا ئشی عبدالمجید کے بیٹے اور اس کے دوست کو قتل کر کے لاشیں تھا نہ انڈسٹریل ایر یا کے علا قے آئی نائن ٹو کے جنگل میں پھینک دی گئیں ۔عبدالمجید کے مطابق اس کابڑا بیٹا 17 سالہ سلمان اور عرفان محبوب عرف سائیں سکنہ جہلم آئل کی سپلائی کرتے ہیں ،دونوں 26 اکتوبر کو گاڑی پر خریداری کے لیے نکلے ان کے پاس ایک لاکھ روپے کی رقم بھی موجود تھی جانے سے قبل عرفان کسی سے فون پر بات کر رہا ہے اور کہ رہا تھا کہ ہم آ رہے ہیں۔رات 12 بجے تک دونوں واپس نہ آئے تو تھا نہ رتہ امرال راولپنڈی میں گمشدگی رپورٹ درج کرائی ،اگلے دن پمز ہسپتال آئے تو دونوں کی نعشیں مردہ خانے میں پڑی تھیں۔تھا نہ کورال میں فیضیاب نے رپورٹ درج کرائی کہ اس کی بہن اور خالو کورال پل پر کھڑے تھے کہ اے پی 045 نمبر کی گاڑی جسے افتخار چلا رہا تھا نے غفلت و لاپرواہی سے انہیں ہٹ کیا جس سے اس کی بہن جاں بحق اور خالو زخمی ہو گئے۔تھانہ نصیرآبادکے علاقہ محلہ زمینداراں میں گھریلوجھگڑے پردامادنے فائرنگ کرکے اپنی خوش دامن کوموت کے گھاٹ اتاردیا۔ایچ آئی یونصیرآبادکے تفتیشی افسرسبط الحسن نے بتایاکہ شفیق کی اپنی بیوی سے ناچاقی چل رہی تھی ،بدھ کوملزم اپنے سسرالی گھرآیاجہاں اس نے دروازے پردستک دی تواس کی ساس زبیدہ بی بی نے دروازہ کھولااسی دوران ملزم شفیق نے گھرمیں گھس کرزبیدہ بی بی پرفائرنگ کردی ۔ادھرتھانہ چونترہ کے علاقہ میں پلاٹ کے تنازع میں فائرنگ کرکے 32سالہ نوجوان کوقتل کردیاگیا۔ایس ایچ اوچونترہ انسپکٹرظہیربٹ نے بتایاکہ رحمان رحمان فلورملزکے قریب پلاٹ کے جھگڑے پرشمعون مسیح کوفائرنگ کرکے موت کے گھاٹ اتاراگیا۔

تازہ ترین